Tar éis a fheabhas ar fad a d’éirigh leis an gcéad fhéile in 2019, is cúis áthais do Dingle Lit slua iontach eicléicteach d’údair agus d’imeachtaí a fhógairt d’Fhéile Liteartha 2020, a bheidh ar siúl ón 20 go dtí an 22 Samhain.  Is é a bheidh á thairiscint ag An Daingean ó Chian ná rogha imeachtaí beo ar líne, ina ndéanfar scríbhneoirí as Éirinn agus ón iasacht a cheiliúradh, agus ina mbeidh filíocht, drámaíocht agus ceardlanna scríbhneoireachta cruthaithí á dtairiscint.

Féile chultúrtha a eagraítear ar an gcéad dheireadh seachtaine de mhí Feabhra chun traidisiún na Brídeoige agus teacht an earraigh a cheiliúradh. Bíonn téama éagsúil ann gach bliain a dheineann ceiliúradh agus iniúchadh ar oidhreacht shaibhir chultúrtha agus sóisialta an cheantair.  Bíonn léachtanna, seimineáir, trusanna, ceol, amhráin agus filíocht ar siúl in áiteanna éagsúla i nGaeltacht Uíbh Ráthaigh i gCiarraí Theas

Féile ceoil thraidisiúnta i mBaile an Fheirtéaraigh, Corca Dhuibhne, Ciarraí gach bliain ina mbíonn ceardlanna ceoil agus amhránaíochta, ceolchoirmeacha, léacht, seisiúin, siúlóid, ciorcal comhrá, agus go leor leor eile.  Le linn sos lár-théarma na scoileanna a bhíonn an Scoil Cheoil, ó Chéadaoin go Domhnach i mí Feabhra.

An fhéile Ghaeilge is mó in Éirinn agus ar fud an domhain! Is féile idirnáisiúnta Ghaeilge í Seachtain na Gaeilge, atá ar an gceiliúradh is mó dár dteanga agus dár gcultúr dúchais a bhíonn ar siúl in Éirinn agus in go leor tíortha eile gach bliain

​

Bíonn béim ana-mhór ar úsáid na Gaeilge ag na grúpaí i bParáid Lá le Pádraig i Lios Tuathail gach aon bhliain mar aon le h-aifrinntí as Gaeilge ina mbíonn cóir agus ceol traidisiúnta an tráthnóna roimh an Lá mór é féin. Bíonn ceolchoirm ar an ardán i lár na Cearnóige i Lios Tuathail ina dhiaidh agus fáilte is fiche roimh gach éinne.

Féile Ealaíon don bpobal ar fad í Féile na Bealtaine ina mbíonn breis is céad imeacht éagsúil ar siúl thar tréimhse 5 lá chun teacht an tsamhraidh ag tús na Bealtaine a cheiliúradh.  2-6 Bealtaine 2019.

Tá sé de prionsabal againn an Ghaeilge a úsáid an méid agus is féidir linn le roinnt imeachtaí trí Ghaeilge agus ana-chuid imeachtaí eile ina mbíonn an Ghaeilge measctha le Béarla. Creidimid go bhfuil sé seo tábhachtach an Ghaeilge a oscailt amach tríd na healaíona do dhaoine nach bhfuil misneach sa Ghaeilge acu.

Beidh Féile Cheoil an tSamhraidh 2019 ar siúl i nDaingean Uí Chúis ar 24-26 Bealtaine 2019. Beidh ceoilchoirmeacha agus ceardlanna agus a lán eile. Gach eolas - Marcas Mac Domhnaill 087 7552044.

Cúirt Filíochta bunaithe ar chúirt na Suadh Lios Eiltín 3 Meitheamh 3.00pm. Óstán an Listowel Arms, Lios Tuathail. Tráth teagmhála do lucht labhartha, léite agus scríofa na Gaeilge. Na filí a bheidh ag léamh... Bríd Ní Mhórain, Mícheál Ó Ruairc, Paddy Bush, Ceaití Ní Bheildiúin, Ciarán Ó Ceallaigh, Matt Ó Maonaigh, Pádraig Mac Fhearghusa, Breandán Mac Gearailt, Gabriel Fitzmaurice, Louis Mulcahy & Simon Ó Faoláin.

10ú Iúil 2018

Spud-Off 2018 - Lios Póil 8.00pm Tigh Tábhairne Uí Shuilleabhain, Garraí na dTor, Lios Póil